X

بشرى انهاء الخدمة للهاربين بعد 2004

 
  • Filter
  • Time
  • عرض
مسح الكل
مشاركات جديدة



    السلام عليكم اخوانى الاعزاء اعضاء المنتدى
    وانا ابحث اليوم عن بارقة امل بانهاء خدمة الهاربين بعد تاريخ 25/5/2004
    عثرت بالصدفة على موقع وزارة الدفاع قسم خدمات القطاع المدنى
    ووجدت فيه شروط انهاء خدمة كبار السن وهى



    للهاربين فى تواريخ سابقة قبل 2004/5/25 وقد بلغوا سن الثلاثين عاماً فى تاريخ تقديم الطلب وفى حالة ما إذا كان تاريخ الغياب بعد تاريخ 2004/5/25 يتعين أن يكون المتقدم بلغ سن السادس والثلاثون فى تاريخ الطلب أو تكون مدة الغياب تزيد عن خمس سنوات

    يعنى اللى عاملين هروب بعد 2004 وتم سن ال 30 سنة وعدى على غيابة 5 سنوات او وصل سن ال 36 يقدر ينهى موقفه من السجلات وده لينك الصفحة
    http://www.mod.gov.eg/Mod/Mod_CMSG14.aspx


    Similar Threads

    #2
    وكل الشكر يا غالى
    على إهتمامك ومتابعتك

    نفع الله بك وعليك ...

    والجديد هو التيسير البسيط
    على المتغيب أكثر من 5 سنوات

    وإن كنا نأمل في إلغاء القرار
    الظالم بمد سن الانتهاء الى 36 سنة
    وعودة سن الامتناع الرسمى وهو 30
    سنة فقط في حالتى التخلف والهروب !!!!

    تعليق


      #3
      وعليكم السلام اخى العزير
      واولا ده مش خبر ده شروط واجراءات انهاء الخدمة للهاربين من كبار السن
      ثانيا الصفحة اتحدثت فى تاريخ 16 مايو وموقع وزارة الدفاع كله لسة جديد
      وافتتح رسميا فى 10 مارس 2014 واعلن المتحدث العسكرى العقيد احمد على
      عن افتتاحه فى 10 مارس الماضى
      وانا مش فاهم برده يعنى ايه لو شرط ال 5 سنين موجود ما كانش ذكر تواريخ الغياب
      ده لازم يذكر تواريخ الغياب يعنى واحد دخل الجيش على 29 سنة مثلا يقوم يعمل
      غياب وبعديها بكام شهر يروح يخلص موضوعه من السجلات وموضوع ال 36
      سنة ده فوق اى شروط يعنى لو داخل الجيش على 31 سنة زى بتوع الازهر وعمل
      غياب بعديها ومكملش الخمس سنين لما وصل سنه ال 36 سنة ممكن يخلص بدون ما يستنى ال 5 سنين
      وياريت اخى تقولنا انت دخلت جوة واتكلمت مع رتب كبيرة ولا من على البوابة وربنا يصلح ليك ولينا الامور
      إن شاء الله

      Originally posted by عمر رحيل
      وعليكم السلام ورحمة الله
      انا مقدرتش ادخل لاكن رجل الامن هو اللى بيرد على اسالة المواطنين
      انا روحت مرتين اول مره بدون طباعة الخبر والتانى مره اخدت الخبر معى

      هو يقصد فى موضوع الغياب خمس سنوات ...
      انه اذا كان يقصد هذا كان كتب من اتم ثلاثون عام وغاب خمس سنوات

      عموما ..ان شاء الله خير اتفائل بالخير تلاقيه
      استاذ جمال اللى يرضى عليه ويرضيه
      قال هيتابع الموضوع ده وهيقولنا هنا فى المنتدى ما توصل اليه كتر خيره
      وانت ايضا اذا تقدر تذهب او تبعت حد يسال يكون افضل عشان نطمن كلنا

      ربنا يعديها على خير ويسترها ويفرجها ان شاء الله

      إن شاء الله اخى انا هروح الاسبوع القادم او الاسبوع اللى بعده
      واى شئ جديد هعرفه هنزله هنا فى المنتدى ان شاء الله
      وانا مش عارف بتاع الامن ازاى فسرها كدة
      الكلام واضح وصريح ومفسر نفسه اللى عمل غياب قبل 25 مايو 2004 واتم الثلاثين
      ولو كان تاريخ الغياب بعد هذا التاريخ فيشترط ان يتم ال 36 أو ان تكون مدة الغياب
      اكثر من 5 سنوات وكلمة ( أو ) معناها ان الشرط الثانى وهو مرور 5 سنوات
      هو شرط بديل عن اتمام ال 36 والكلام كله هنا على اللى عدى 30 عاما



      تعليق


        #4
        Originally posted by ahmedcc
        انا كمان روحت من يومين وقالو لي انو مفيش حاج اسما 5 سنوات غياب وبجد انا زهقت مافيش اى حد ناك عايز يفيد حد كلو متمسك بسن 36سنه طيب واللى عدى التلاتين ومتغيب من 2005 ايه الحل ليه لو لم نفسو دلوقتى المحاكمه هاتكون ازاى انا مش استنى 6 سنين تانى من عمرى انا بجد عايز امشى من البلد دى
        لازم تدخل للعقيد اللى جوه علشان تقدر تاخد عقاد نافع لكن للاسف الموضوع ده صعب
        وانا عندى اقتراح بعمل حملة التماسات لوزير الدفاع نلتمس فيها تطبيق الشروط الواردة
        على موقعهم الرسمى والالتماسات دى بتجيب نتيجة فى واحد كنت اعرفه كان عامل غياب
        وسلم نفسه للوحدة وتحول محاكمة وخد سنتين حبس ووالده عمل التماس لوزير الدفاع
        وقتها والامانة العامة ردت وخففت الحكم لسنة واحدة فقط وهو طلع بعد نص المدة فى
        عفو العيد الصغير يعنى خد 6 شهور حبس بس


        وانا زيك برده عامل غياب فى 2005 وقربت اتم الواحد وتلاتين ومقدرش استنى 5 سنين كمان

        Originally posted by manbar
        اعتقد المفروض لو حد له قريب لواء يسأله لتكيد او نفى معلومة الخمس سنين طالما مانعين اى حد يدخل يسأل جوه
        Originally posted by ويلاا
        انا يا جماعه عامل هروب 20-8-2004 وعندى 32 سنه يا جماعه انا متلخبط انا دلوقتى موقفى ايه
        الوضع زى ما هو الانتظار حتى 36 سنة ..مفيش جديد

        Originally posted by رامز 22
        السلام عليكم ورحمه الله

        اولا الخبر منشور فعلا على موقع وزاره الدفاع ياجماعه مفيش حد راح يكدلنا الخبر ياريت اللى يكد الموضوع ده هيحل مشاكل ناس كتير
        فيه ناس كتير راحت وسألت وللاسف الموضوع غير صحيح

        بالامس تم تعديل بعض القوانين الخاصة بالقوات المسلحة ومن ضمنن تلك القوانين قانون الخدمة العسكرية وقانون رقم لسنة الخاص بتنظيم وانهاء خدمة ضباط الصف والجنود اللى بيتم على اساسه انهاء خدمة الهاربين من السجلات نرجوا من سيادة المستشار السيد الجمل افادتنا هل المواد التى عدلت او التى تم الغاؤها هل لها تأثير على الهاربين بعد

        Originally posted by ويلاا
        للاسف انا متهيئلى مفيش جديد لازم بعد تاريخ 25-4-2004 تستنى 36 سنه ويارب يكون فى جديد بس متهيئلى والله اعلم انى مفيش جديد
        Originally posted by manbar
        الافضل من شرح القانون هو ان يقوم احد الاخوة اللى مش ساكنين بعيد عن السجلات العسكرية بالذهاب هناك وسؤالهم عن الموقف الان هل تغير ام لا؟
        لان العبرة ليست بالقانون ولن بما يتم تطبيقه فعلا فى السجلات العسكرية
        Originally posted by سفيرالسلام;
        السلام عليكم
        سوألى للمستشار القانونى
        هل من جديد للهاربين من التجنيد بعد عام 2004 وسنهم تخطى 30 عام ولاء لابد الانتظار الى ان يكون سنهم 36 عام
        وهل موضوع الخمس سنوات صحيح ولو كان غير صحيح كيف يكتب فى موقع رسمى للوزارة الدفاع
        افيدونى وارجو كل اللى يعرف او جرب اوسأل يفيدنى
        هذا الكلام غير صحيح..والسن كما هو 36 سنة لم يتغير ...هذابعد سؤال عدة اشخاص من شهور للسجلات العسكرية


        Originally posted by eslamfarouk
        طب انا دلوقتى عامل غياب من تاريخ 16/7/2009 لحد دلوقتى ومش عارف اعمل ايه وايه هى المعلومات الصحيحه انا عمرى دلوقتى 28 سنه قولى بالله عليك ايه الصح عشان اعمله

        وشكرا
        Originally posted by eslamfarouk
        السلام عليكم
        انا اتكلمت مع الاستاذ السيد الجمل بخصوص موضوع انهاء موقف التجنيد للهاربين بعد 2004 وقالى فكرة كده وانا كنت عايز اعرضها عليكم واللى يحب يشترك معانا يسجل اسمه ورقم تليفونه وربنا يوفقنا لما فيه الخير كله

        اولا عايزين نعمل التماس للرئيس السيسى بخصوص تفعيل القرار الصادر عن وزارة الدفاع بانهاء موقف التجنيد للهاربين بالغرامه فقط وليس بالحبس وكل من مر على فترة غيابه خمس سنوات حتى تاريخه

        ثانيا احنا لما نطلب التماس جماعى او التماس كل واحد فينا على حده ولما يلاقوا اقبال شديد جدا على الموضوع ده بخصوص القرار الذى لم يتم تفعيله ممكن يفعلوه او يعدلوا اى قرار تانى بخصوص الهروب وعلى فكرة ياشباب ده مش كلامى انا ده كلام المستشار الاستاذ السيد الجمل ولو قدرنا فعلا نجمع اكبر عدد ممكن الاشخاص ساعتها بس ممكن يسمعونا وينفذوا طلباتنا والله الموفق والله المستعان

        انا كمان كنت بقول كده كلنا نجمع بعض ونكون عدد كبير وكلنا نقدم التماسات فى وقت واحد ولما يﻻقو الطلب على الموضوع ده كتير جدا وكل يوم يتزايد اكيد هيخضعوا لتنفيذ مطالبنا

        ياجماعه معلش حد يفهمنى انا دلوقتى عامل غياب من 2009 وفات 6سنين على مده الغياب بتاعتى وعندى 28 سنه هل القانون ده يتطبق عليا وﻻ ﻻزم استنى لحد 36سنه ارجوكم حد يفهمنى ويدلنى علشان انا تايه ومش فاهم نص الماده

        وشكرا
        لابد لك من الانتظار حتى 36 سنة ...اما بالنسبة لما هو مكتوب فى موقع وزارة الدفاع فكما ذكر احد الاخوة انه يخص الازهريين لانه يتم تجنيدهم فى سن 31 سنة والمطلوب منهم فى حال الهروب الانتظار 5 سنوات على الاقل حتى يتم رفدهم من الجيش وبالتالى سنهم قد يزيد عن 36 سنة فتم وضع شرط الخمس سنوات للازهريين فقط

        Originally posted by طارق عبدالعال
        لازم يكون فى واحد منا يمثلنا ويجمع منا الاتماسات ونحول ولوبطلنا نحلم نموت اكيد فى أمل بس اول خطوة نرشح حد منا أو يرشح نفسه هو عشان ينقذ الأسر إلى فى رقبتنا فكرة الاتماسات فكرة أكثر من رائعة لازم حد يسمعنا من المسؤولين لازم

        انا لو اعرف الطريقة الصحيحة لتقديم الاتماسات أقدمهم ولكن لا أعرف أين يقدم بالتحديد ولمن ولاكيف
        Originally posted by MM2121
        انا عرفت من محامى انك تعديت ال30 سنة القضاء بيغرم ماليأ فقط مش لازم تستنى لحد ال36 لانو مش مستفيد بحبسك الافادة ليهم فى الاولية هيا الغارامة
        Originally posted by abotorab
        هذا الكلام غير صحيح
        الهارب لازم ينتظر حتى سن 36 لتسوية موقفه بغرامة فقط ان شاء الله
        كما هو مذكور بموقع وزارة الدفاع
        http://www.mod.gov.eg/mod/Mod_CMSS24.aspx
        Originally posted by MM2121
        دة كان كلام محامى ب القضايا العسكرية
        سيبك من موضوع 36 سنه .. والقضاه عموما بعد التلاتين بيدوا غرامه محدش بيدي حبس
        Originally posted by abotorab;
        هذا الكلام يتردد من سنين طويلة وللاسف غير صحيح والدليل انك لو ذهبت وسألت السجلات العسكرية المسؤولة عن الهاربين سيرفضوا اصلا قبول اوراقك اذا لم تكن اتممت سن ال36
        انصحك تقرأ هذه التجربة وهى من سنة فقط
        بشرى انهاء الخدمة للهاربين بعد 2004
        Originally posted by REDA31
        فعلا الكلام دا صح ودا اللي مذكور هنا
        http://www.mod.gov.eg/mod/Mod_CMSS24.aspx

        تعليق

        Working...
        X