X

تبديد منقولات ونفقه زوجيه استشاره ضروريه

مُسْتَشارُكَ القّانُونيْ

 
  • Filter
  • Time
  • عرض
مسح الكل
مشاركات جديدة

    السلام عليكم ورحمه الله


    محتاجه رايكم علي استفساري لو سمحتم

    انا متجوزة من خمس شهور وسايبه البيت بقالي شهرين جوزي عرفت انه كان متجوز قبل مني ومطلق ولما سالته قالي مشاكل وبعدين عرفت انه بسبب الانجاب طلبت منه تحليل وعمله والدكتور فعلا قالي انه مافيش حمل طبيعي لازم حقن او انابيب بدات المشاكل بيني وبينه مع اني قلت له هاكمل معاك بالرغم من كدبه عليا وغشه ليا المهم قلت له هاكمل معاك بس معاملته ليا اتغيرت بقي ضرب وشتيمه وسب ومل شويه يطردني من الشقه واهلي يتدخلوا يصلحوا ويرجع الوضع تاني اخر مرة ضربني ضرب شديد وطردني من الشقه نزلت وعملت محضر بالضرب والطرد وعملت تقرير طبي اقل من 21 يوم بعدها حاولوا يصلحوا بينا هو رفض يجي ياخدني وطلب تني ارجع البيت لواحدي رفضت طبعا وبابا راح يجيب شنطه هدومي لاقاه حط قفل علي باب الشقه وغير الكالون رحت عملت محضر اثبات حاله بانه بيحول بيني وبين منقولاتي وان متقولاتي في الشقه وواضع قفل علي الباب بابا طلب منه يطلق ودي واخد عفشي وهو ياخد عفشه واتنازل عن المؤخر رفض وطلب اتنازل عن القايمه كامله والمؤخر طبعا بابا رفض ورحنا للمحامي قاليحم مضمون ومتتنازليش عن حاجه وقايمتك هاتاخديها

    سؤالي هل فعلا قايمتي مضمونه والمحكمه هاتحكم لي ولا موقفي ضعيف

    ثانيا محضر اثبات الحاله هايفيدني في ايه

    ثالثا محضر الضرب المحامي قالي ان التقرير الطبي غير مرفق مع المحضر واتحفظ اداري وانا تعبت علي ما قدرت اوصل له المخامي قالي انه هايعمل تظلم وهايرجع يشتغل تاني هل دا ممكن فعلا انه بعد ما المحضر اتحفظ يرجع تاني اشغله

    انا رفعت دعوة نفقه اول السنه دي وكان مفروض زوجي يحضر الاسبوع اللي فات وهو محضرش والمفروض ان انا وهو نحضر مع بعض الاسبوع دا بس المحامي قالي مش ضروري تروحي هل فعلا مالوش داعي حضوري مع العلم انه بعت لي يهددني ويقولي هاشوفك في المحكمه هما في محكمه الاسرة معاهم رقم تليفوني هل ممكن بتصلوا بيا ولا لازم انا احضر من نفسي

    انا عارفه ان اسالتي كتيره بس محتاجه رد ضروري
    Similar Threads

    #2
    عليكم السلام

    حقوقك كاملة ستحصلين عليها لا تقلقى
    سواء النفقة أو المنقولات أو غيرها ..
    ولكن
    نصيحتى اليك تنازلى عن بعض حقوقك
    لتكسبى أهم حقوقك وهى الحرية !!!!
    وبلا أى منغصات من البداية ....
    ولك أن تصممى على ما أحضرتيه أنت من منقولات
    وتنازلى عن حقوقك المالية الأخرى ...
    وحددى له موعد نهائى للرد بالرفض أو القبول ..

    فإن وافق كان بها ..
    وإن رفض فالقضايا ستستمر
    وستأخذى حقوقك أخرى
    وسيندم هو بالتأكيد ....
    تعليق

      #3
      بابا كان طلب منه الطلاق وياخد العفش اللي اشتراه وانا اخد عفشي اللي جبته واتنازل عن المؤخر هو قال تتنازلي عن القايمه كامله ولا حتي معلقه تاخديها طبعا رفضنا ولجاءنا للمحاكم

      يعني احنا عرضنا عليه ودي وهو رفض
      انا خايفه بس لانهم يعرفوا محامي معندوش ضمير وبيزور ورق وحاجات من دي خايفه لا يتهموني اني اخدت منقولاتي
      وكمان جيراني بيقولولي ان اخته بتستعمل حاجتي وعلي طول في شقتي يعني اة المحكمه حكمت لي هاخد الحاجه متبهدله وانا بقالي 3 شهور بس بعني حاجتي لسه جديدة

      ومعلش حضرتك مش رديت علي استفساري بخصوص محضر الضرب
      تعليق

        #4
        بالتوفيق
        ومحضر الضرب كما قال محاميك
        أنه سيتظلم فيه ... وهذا هو المطلوب ...
        تعليق

          #5

          هو بعت ناس قرايبه وطلبوا يحدد مبلغ معين كل شهر يبعته من غير محاكم انا رفضت لانهم حسسوني اني بشحت مش باخد حقي

          وقالوا اتنازل عن نص قائمتي والمؤخر ويطلق

          بابا قالهم نتنازل عن المؤخر والنفقه وناخد القائمه كامله رفضوا طبعا

          وهددونا بالمحاكم

          انا متمسكه بقايمتي كامله لانهم ضحكوا عليا وغشوني وبهدلوني فا دا اقل تعويض ليا

          حضرتك رايك ارضي واوافق بأقل القليل ولا اتمسك بقايمتي ونمشي في المحاكم
          تعليق

            #6


            لو كنت مكانك لاخترت أن ينتهى
            الموضوع وديا من غير محاكم
            والله هو الذى سيعوضك خيرا ...



            تعليق

              #7
              للاسف اخي هما طلعوا ناس غير محترمين

              روجعوا في كلامهم وقالي هاسيبك متعلقة ومش هاتاخدي مني معلقه واحدة

              الوقت اخي انا رفعت قضيه تبديد لكن مش وصل له اعلان بيها واتحدد لها جلسه

              المحامي بتاعه ممكن يعرف انه مرفوع عليه قضيه تبديد ولا ميقدرش يعرف غير لما يتبعت له اعلان

              ثانيا هو بيهددني انه هايبهدلني وهايرفع عليا قواضي في مراكز تبع المحافظة بتاعتي

              والوقت بيغير بطاقته الشخصيه علشان يغير محل الاقامة ويرفع انذار الطاعه علي اقامته الجديدة

              هو بيقولي هاضرك في اعز ناس ليكي يقصد اخواتي وبابا هو فعلا ممكن يلفق لهم اي قواضي

              وهو في ايده يرفع عليا قواضي في اي محكمه او قسم غير اللي انا تابعه ليهم يعني يقدر يرفع عليا في محافظة او بلد تانيه

              معلش يا اخي اسألتي كتير

              بس اتمني ترد عليهم


              بخصوص انذار الطاعه استاذ جمال

              هو ممكن يعمل انذار الطاعه مش يجي لي اعلان بيه او يكتب فيه عنوان غلط

              علشان معرفش بيه ومقدرش اطعن عليه وبكدا يثبت اني ناشز


              ارجو الرد علي استفساراتي اخي انا قلقانه جدا
              تعليق

                #8
                اذا قدم الانذار بعنوان خطأ
                عند علمك به ستطعنى عليه
                وسيحكم ببطلان الانذار ...

                والغبى فقط من يفعل ذلك ....

                والتهديد من شيم الضعفاء
                الذبن لا يقدرون على الأفعال
                تعليق

                  #9
                  جزاك الله خيرا ايا استاذ جمال


                  حضرتك دلوقت هو باعت لي رساله علي الفيس

                  بيقولي انا عملت لك 3 انذارات طاعه وهابهدلك

                  انا قلت له انا مستلمتش حاجه

                  قالي المحضر وحبايبي في المحكمه كتبوا انك وصلك اعلان بالطاعه بس انتي رفضتي تستلميه

                  هل دا ينفع اخي

                  انه يعمل 3 انذارات طاعه في فترة لا تتجاوز الشهر

                  وهل ممكن المحضر يتلاعب ويقول اني رفضت الاستلام

                  ارجو الرد اخي الكريم

                  Originally posted by gamal gamal
                  يمكنك أنت أو محاميك الذهاب الى المحضرين
                  للكشف عن وجود انذارات من عدمه ...
                  وكل شىء متوفع من المحضرين ...
                  جزاك الله خيرا

                  هو فعلا يا اخي طلع عامل انذار طاعه من يوم 4 فبراير ومكتوب فيه لم يستدل علي العنوان

                  وامبارح وصلني اعلان بالانذار بس ورقه كدا متصورة ومعفنه ومتعرفش تقرأ الكلام الي فيها غير بالعافيه

                  ومكتوب عليها من فوق اعادة اعلان اصبح انه كدا فعلا كلامه صح انه باعت لي انذارات واتفق مع المحضر مش يوصله ليا

                  ايه رأي حضرتك وهل فيه تصرف قانوني اخده ضدهم لان الاعلان جالي علي نفس العنوان مش متغير

                  فا ازاي يكتبوا اول مره لم يستدل علي العنوان وتاني مره يوصلوا الانذذار علي نفس العنوان

                  ثانيا هو مش كاتب في الاعلان عنوان الشقه محدد

                  يعني كاتب 4 شارع كذا الدور الثاني ومعروف ان الشارع دا فيه شوارع وحواري متفرعه منه يعني مش كاتب عنوان تفصيلي

                  وانا اعتقد انه يقصد شقه جوز اخته لانها دور تاني برضه ورقم البيت 4 بس الفرق انها حاره متفرعه من الشارع الرئيسي

                  وهو مش كاتب اسم الحاره سايب العنوان مفتوح بس كدا

                  سؤالي لحضرتك هو انا ممكن اعترض انه مش محدد العنوان واعترض ان الشقه مش بنفس الوصف الي كتبه

                  هو كاتب انها 3 غرف وصاله لكن هيا غرفتين وصاله ثانيا اخته ساكنه في نفس البيت واخو جوز اخته

                  ولهم اكتر من جار مسحيين

                  الحاجات دي ممكن تفيدني في الاعتراض ولا ملهاش لازمه

                  ومتشكره يا استاذ جمال انا عارفه اني تعبت حضرتك معايا

                  Originally posted by gamal gamal
                  من حقك الاعتراض على كل الأخطاء
                  التى ذكرتيها ... وكذا الجيران المسحيين
                  المهم الاعتراض يكون في العنوان ...

                  ويمكنك تقديم شكور في المحضر الذى
                  لم يحضر لك لكى يسلمك الاعلان ...

                  لكى لا يفعل ذلك مستقبلا ....

                  والخطاب الذى وصلك هو من البريد ...
                  استاذ جمال
                  قضيه التبديد تم فيها جلسه اخر الشهر الي فات لما جوزي راح قدام القاضي قال انه عاوز يصالحني
                  والقاضي اجل الجلسه اسبوعين لعرض الصلح وطلب حضوري
                  حضرت والقاضي كلمني ف الصلح وليه مش عاوزه ترجعي وضحت شويه حاجات والمحامي تبعي كمل
                  بس محامي جوزي طعن بالتزوير
                  قال ان التوقيع توقيع جوزي لكن فيه حاجات متضافع بعد الامضاء
                  وفيه غلط ف المبلغ الاجمالي
                  احنا وقت ما كنا بنكتب القايمه كنا متفقين علي مبلغ القايمه هاتتكتب بيه
                  ولما جينا كتبنا اسعار الحاجه ف القايمه لاقينا ان مجموع المبلغ اكبر من الي اتفقنا عليه وحصل مشكله بينا وبين اهله وبما اننا كنا شارين ومافيش سوء نيه قلنا مش مشكله تعمل بالمبلغ المتفق عليه
                  واصبح ان اسعار الحاجه ف القايمه مكتوبه بمبلغ 100 الف لكن المبلغ الي قفلنا بيه القايمه واتفقط كان 90 الف


                  خالتي الي كانت كاتبه القايمه وكل المنقولات
                  بس انا الي كتبت اسعار الحاجه والدهب وكتبت المبلغ الاجمالي
                  المحامي بتاعه طعن ان اخر سطرين الي هما بخطي دول متضافين بعد ماهو مضي
                  وان فيه تفاوت بين المبلغ الي ف صلب القايمه والمبلغ الاجمالي
                  والقاضي قبل الطعن وعرضها علي الطب الشرعي واتاجلت اربع شهور
                  الوقت حضرتك انا موقفي ايه
                  هو مضي بعد ما كتبنا ف نفس اليوم ومافيش حاجه اتضافت بعد ما مضي
                  هل كتابه ألقايمه ب اكتر من خط دا فيه مشكله ليا
                  وتفاوت المبالغ دا ايه مش ممكن يعتبروه غلطه في الجمع
                  لان اسعار العفش المكتوبه ف القايمه لما نجمعهم يبقوا 100 الف
                  لكن احنا كتبنا الميلغ الاجمالي فقط واحد وتسعون جنيها لا غير
                  مش ممكن يعتبروها غلطه ف الجمع ولا ايه
                  يارب اكون قدرت اوصلك الي اقصده
                  واتمني ترد عليا


                  تعليق

                    #10
                    نعم مجرد الخطأ فى الجمع لا تبطل
                    به القائمة ...
                    لأنه ملزم فى جميع الأحوال فى رد
                    المنقولات ذاتها أولا وليس قيمتها ...

                    وعموما كتابة القائمة على مراحل
                    لا تبطل به القائمة .. أو أن تعد مزورة

                    لذا
                    لا تقلقى ولكن يتم توضيح الأمر للقاضى ....


                    Originally posted by asmaa12
                    شكرا استاذ جمال
                    هو الوقت بيقول انا هاتحبس شهر ومش هاتطولي مني قشايه
                    يعني دا ممكن يحصل
                    ميدنيش عفشي وياخد حكم وانا كدا يبقي العفش راح عليا

                    ثانيا
                    شيخ الحاره الي بيعمل تحريات لقضيه النفقه قبض منه فلوس
                    وكتب ف التحريات انه لا يعمل
                    المحامي بتاعي طلب من المحكمه تحويلها للنيابه وحضور شهود
                    المحكمه اجلت القضيه لجلسه 29 مايو القادم لنطق بالحكم
                    يعني راي حضرتك ايه الي هايحصل بعد كدا يعني القاضي هايحولها ولا مش هايحكم لي بنفقه

                    ثالثا
                    هو زوجي عنده مشكله ف الخلفه مالهاش علاج
                    ومع ذلك بيقول انتي الي طالبه الطلاق يعني مالكيش حقوق
                    والقاضي مش هايحكم لك ب اي حاجه
                    وانا عاجي قدام القاضي واقوله دي مراتي وانا عاوزها وهيا الي عاوزه تتطلق
                    قلت له قول الي انت عاوزه مافيش حد هايجبرني اعيش من غير عيال
                    الوقت استاذ جمال لو رفعت طلاق موضوع الخلفه دا هايفيدني ف حاجه
                    وهل ممكن لو قال كدا للقاضي القاضي يرفض القضيه وميطلقنيش

                    واسفه علي اسألتي الكتير

                    الحبس لا يغنى عم دفع قيمة القائمة
                    فلم الرجوع عليه بعد ذلك بدعوى مدنيه
                    وتحجزة على أى شىء يملكه .....

                    لا بد للقاضى وأن يحكم لصالحك بالنفقة
                    حتى ولو كان الزوج لا يعمل .... فلا تقلقى ..

                    الطلاق للضرر سيسمع القاضى شهودكما
                    واذا كان عنده مانع طبى غلا بد من اجراء
                    الكشف الطبى عليه والطب الشرعى هو الذى
                    سيقرر ...
                    ولا عبرة بمجرد الأقوال المرسلة ( بدون دليل )


                    Originally posted by asmaa12
                    جزاك الله خيرا استاذ جمال
                    وربنا يجعل كل حرف بتكتبه في ميزان حسناتك

                    هو الوقت حضرتك جوزي عاوز يصالحني وبعتلي ناس كتير
                    و عاوز يرجعني وبيقةل انه ندمان

                    الوقت حضرتك اشتراطنا عليهم انه يعملي قايمه جديده
                    وانه هايدفع فلوس المحامي
                    وهو وافق علي الشروط دي

                    الوقت حضرتك لو عملنا القايمه هاتبقي صحيحه
                    خصوصا ان كان ليا قايمه اتكتبت قبل الزواج ورفعت بيها دعوة

                    فا هل لو رجعت وحصل مشكله تاني مش هاتبقي القايمه الجديده دي حاجه تتاخد ضدي

                    المحامي بتاعي قالي كويس وبالذات ان القايمه دي هانكتبها بطريقه صحيحه وهانتجنب الاخطاء الي كانت ف القايمه بتاعتك القديمه

                    ثانيا
                    هل فيه ضمانات قانونيه تضمن لي انه ميمدش ايده عليا تاني

                    فيه ناس قالولي بياخدو عليه تعهد انه مش يضربك
                    دا حقيقي ولا بييقي مجرد اجراء شكلي وخلاص

                    وشكرا لحضرتك

                    رايى أنك تجنحى الى الصلح والصلح خير
                    وتأخذى عليه الضمانات المعقولة حتى تسير
                    الحياة بينكم مرة أخرى ...

                    وبعض الرجال يستفيدون من أخطائهم ومن
                    العقبات التى وقعت بينكم ...

                    لذا

                    فأعطيه ونفسك الفرصة لتصحيح ما حصل
                    والبدء في صفحة جديدة حتى لا ينهدم بيت
                    مسلم ...

                    استعينى بالله والله خير حافظا وهو أرحم الراحمين ...

                    أما القائمة فهناك نوعان لحفظ الحقوق فيهما

                    الأول

                    أن يتم الاقرار أمام القاضى أن الزوجة
                    رجعت على نفس المنقولات وتظل هذه القائمة
                    سارية حتى بعد اثبات الصلح ..

                    الثانى

                    أن يتم تحرير قائمة جديدة .........
                    وخذى برأى محاميك بعد التباحث في الأصلح
                    لك بين هذين الخيارين ...

                    وبالتوفيق ......


                    Originally posted by asmaa12
                    السلام عليكم
                    للاسف ا استاذ جمال هو انسان ضعيف وانا كنت فكرت انه اتعلم من غلطه وعرف ان تدخل اهله في حياته بيضره
                    الوقت بعد ما اتفقنا علي القايمه رجع اخوه قال لا مش هانكتب القايمه زي القديمه هانكتب فيها نص القايمه القديمه يعني الحاجات الي انا جبتها بس
                    وكان الناس الي جم مغاه قالوا انه هايدفع مصاريف التنازل عن القواضي اخوه قال لا زي مانتوا اشتكيتوا تروحوا تتنازلوا
                    وانتوا قايمتكم مستشار شافها قال مالهاش حقوق ومافيش قاضي هايحكم لها بعفش يعني انتوا خسرانين
                    طبعا اسلوب مستفز وجوزي كان راضي بالكلام دا
                    فارفضت ارجع لاني لاقيت شخصيته ضعيفه قدامهم برضه ومافيش حاجه اتغيرت

                    الوقت حضرتك ف وسط القاعده دي هددونا اننا لو متنازلناش بالزوق هانتنازل غصب والا هايجيبوا عيل ب 20 جنيه بفرد خرطوش وهايضربوني بيه وهايعملوا قواضي لاخواتي غيابي
                    انا رحت حررت محضر واخدت معايا شهود وكتبت الكلام دا ف المحضر بس بعد ما مشيت افتكرت ان امين الشرطه الي عمل المحضر مخدتش صور بطايق الشهود ولا سالهم ف الواقعه اكتفي بكتب اساميهم فقط
                    وناس قالولي كدا المحضر مالوش لازمه
                    هل دا فعلا صحيح المحضر دا باظ كدا

                    ثانيا ودي حاجه تخص المحامي بتاعي وارجوك حضرتك تقولي بصراحه هو كدا المحامي ماشي صح ولا لاء
                    اولا جالي جواب من النيابه بتاع التحريات لقضية النفقه المحامي قالي انتي الي بتروحي تقابليه
                    ناس قرايبي قالولي لا مفروض هو الي بيروح لشيخ الحاره وبيتكلم معاه ولو بيقبض بيقبضه رشوه يعني هو فعلا جوزي دفع رشوة لشيخ الحاره وكتب ف التقرير انه لا يعمل
                    الكل عندي بيحمل الغلط للمحامي بتاعي
                    ثانيا انا سيبت البيت بقالي الوقت اكتر من ست شهور
                    مستغربين ليه المحامي مرفعش طلاق لحد دلوقت
                    والمحامي بيقولي انا هارفق طلب تطليق ف قضية الطاعه
                    انا عرضت علي حضرتك لان انا بثق ف كلامك يعني لو شايف تقصير من المحامي ف الكلام الي قلته دا ياريت حضرتك تنبهني علشان مش ابقي علي عمايا كدا

                    ثانيا فيه ناس عارفين محامي جوزي وقالولي انه مش كويس يعني معروف عنه انه بيضرب شيكات وبيلفق قواضي دا اتقي شره ازاي

                    ثالثا المحضر الي عملته انهارده مفروض ان باخد رقمه بيبقي احوال بس الرقم الي انا اخدته امين الشرطه كاتبلي تحته اداري القسم ورقم كبير اوي انا مش فاهمه ازاي اداني رقم اداري

                    انا اسفه اوي علي اسألتي الكتير

                    بس انا فعلا قلقانه ومحتاجه حضرتك ترد عليا رينا يبارك لك
                    عليكم السلام

                    لا تقلقى المحضر تمام ولا يشترط أخذ صور
                    بطاقات الشهود في المحضر .... المهم التوقيع على المحضر من جانبهم 0

                    أما عدم رفع المحامى دعوى طلاق حتى الان فهو أمر يحسب له لأنه لو
                    يهمه مصلحته فقط لسارع برفع كل الدعاوى من أجل المصلحة المادية .
                    ولكنه يمشى بتخطيط وهدوء - كما يبدو لى ........

                    أما التحرى فكثير من المحامين الان يرسلوا الموكل لاحضار التحرى
                    وبعضهم يفعلوه بأنفسهم .............

                    أما امكانية رفع دعاوى كيدية ضدكم فهذا تهديد لكم لترجعوا عن المطالبة
                    بحقكم ... ومن كثر تهديده قل فعله ....
                    تابعى محاميكى فقط وأنتى من تحددى توقيت رفع دعوى الطلاق ......

                    والرقم الادارى الذى حصلتى عليه من القسم صحيح بلا شك ...
                    لأن رقم الأحوال يكون في حالة عدم وجود دفتر قيد القضايا
                    فساعتها يعطوكم رقم الأحوال لحين قيد المحضر في الدفتر
                    وساعتها تحصلوا على الرقم الادارى .........

                    لا أجد ما يقلق في موضوعك سوى ضعف شخصية الزوج كما أسلفتى
                    والظاهر أن هذه الحرب مدارة من أهل الزوج .... لذا لا تتوقعى النجاح
                    أو الوصول لحل .....


                    Originally posted by asmaa12
                    جزاك الله خيرا استاذ جمال
                    انا تعبت حضرتك معايا

                    في نقطه ف اخر رد لحضرتك بتقولي متتوقعيش النجاح او ايجاد حل
                    هل حضرتك تقصد اني مش هاعرف اخد حقي منه ولا مش هاعرف اوصل لحل ودي معاه

                    ثانيا يا استاذي كلامي بخصوص محاميه طلع صح
                    المحترمين زقوا عليا واحده عملت لي محضر بتقرير طبي

                    الاستاذه الفاضله من بعد سؤالنا عليها عرفنا انها بتتأجر ف الخناقات واخوها تاجر مخدرات مسجون تقريبا المهم انها ست دي شغلتها تتبلي ع الناس

                    حضرتك هيا قالت ف المحضر انها داخله معايا ف جمعيه بعشرة جنيه ف اليوم ان انا اخدت فلوسها ومش قبضتها وانها جات لي البيت وطالبت بفلوسها وانا ضربتها واحدثت فيها اصابات وراحت عملت تقرير طبي

                    لاقيت امبارح اتنين امناء شرطه جايين الييت وواضح جدا انهم تبع المحترم الي اتنيلت واتجوزته وجايين يعملوا لي كارت ارهاب

                    ف اول الموضوع انا رفضت اروح القسم وقلت هابعت المحامي
                    وثانيا قلت لهم انا معرفش حاجه عن الكلام دا
                    وهما طبعا وكاعاده شرطتنا المحترمه قبضوا وقالوا متقلقيش ومتخافيش والموضوع بقي ف جيبنا

                    ورفضوا يدوني رقم المحضر ويعد كذا مره حاولنا نجيب الرقم اجيرا اخدناه بس بعد ما دفعنا تاني

                    الوقت حضرتك المحامي بتاعي قالي الست دي حاجه من اتنين ياهاتعمل المحضر بس وتسكت وتتداري

                    يا هاتبقي بجحه وقابضه جامد وهاتستمر ف القضيه

                    الوقت يا استاذ جمال انا اعمل ايه
                    اتنازل عن القواضي وحقوقي وارتاح

                    ولا اتمسك بحقي واكمل المشوار للاخر

                    والمحضر دا اعمل ايه فيه ايه الحل اني اطلع من المشكله دي

                    واسفه علي الاطاله
                    استمرى فى المطالبة بحقك ولا تخافى
                    ادعى مدنيا فى مواجهة هذه السيدة
                    بمبلغ 10.001 جنيه لكى تخاف من الاستمرار .

                    واطلبى أسماء أفراد الجمعية التى ادعتها ...
                    واطلبى حضورها أمام القاضى ...........
                    وستأخذى براءة فى القضية ان شاء الله .....


                    Originally posted by asmaa12
                    شكرا جزيلا استاذي الفاضل

                    وان شاء الله هاعمل برااي حضرتك

                    بس انا خايفه لا الست دي تتعرض لي او تعملي حاجه ف الشارع
                    في طريقه احمي نفسي منها ؟؟

                    ثانيا القاضي حكم ف قضيه النفقه بتحويلها لتحقيق وطلب الشهود
                    لان تقريرشيخ الحاره قال فيه انه لا يعمل

                    هل الحكم دا ف صالحي ولا ايه

                    وشكرا لحضرتك
                    نعم تمام والمهم احضار شهودك
                    والنيابة ستقدر مدى يسار الزوج ....


                    Originally posted by asmaa12
                    السلام عليكم ورحمه الله وبركاته
                    كل عام وحضرتك بخير استاذ جمال

                    حضرتك قضيه النفقه كانت جلسه التحقيق الاسبوع الي فات
                    وجبت شهود الشاهد الاول قال ان زوجي يعمل ودخله اكتر من عشرة الاف جنيه ﻷنه بيتاجر ف الادويه وشغال ف المجال دا بقاله اكتر من 12 سنه وانه جاره ف المنطقه وعارفه والشاهد الثاني قال انه يعمل بمجال الادويه من سنين ودخله اكتر من 12 الف جنيه وانه كان طلب منه قبل كدا يدخل معاه شريك ف تجاره الادويه والربح مناصفه بينهم

                    اما شهود زوجي اول واحد قال انه بيشتغل بس ميعرفش دخله كام والثاني قال انه بيشتغل بس بيقبض مبلغ رمزي وبعد اصرار القاضي عليه بتوضيح يعني ايه رمزي قال معرفش بيقبض كام
                    القاضي اجلها اسبوع مرافعه وبعدها هايحجزها للحكم مع طلب محامي زوجي في الطعن ف شهاده الشهود الي معايا

                    انا مش فاهمه هايطعن ف شهادة شهودي ازاي
                    وهايترتب علي الطعن دا ايه
                    هل يقدر يضرهم بحاجه ؟؟

                    ثانيا
                    بخصوص المحضر الي كانت الست البلطجيه دي حررته ضدي المحامي قالي انه مافيش فيه تقرير طبي وانها مطلبتش عرضها للكشف الطبي
                    وقالي متقلقيش دا محضر مالوش قيمه ومالوش سند

                    هل دا حقيقي ولا المحامي بيكبر دماغه مني وخﻷص ومستني المحضر يتحفظ او ياخد جلسه

                    كان فيه محامي قال لاخويا لازم المحضر يتابع ف النيابه وتطلبوا عرضه للتحريات علشان يعرفوا انها ست بلطجيه وكدا وقلت للمحامي ومش اهتم برضه

                    ثالثا يا استاذ جمال
                    واحد من طرف اهل زوجي جالنا وقالي بالنص كدا
                    انتي قايمتك مزورة وفيها لعب ومش هاتاخدي حق ولا باطل المحاكم الوقت مابتجيبش حقوق
                    وعفشك هايبوظ ويتكسر فا خليكي عاقله وبنت ناس
                    وخدي حاجتك الي جبتيها بس ومؤخرك
                    بس فيه حاجه متقوليش دا مكسور ودا بايظ هاتاخدي الحاجه بالحاله الي هاتلاقيها فيها يعني مكسورة بايظه اعتبري انك انتي الي بوظتيها
                    اهلي رفضوا جدا وقالوا له موافقين ف حاله واحده ان التالف او الناقص يدفع تمنه

                    المحامي بتاعي قالي هما بيمرسوا عليكي حرب نفسيه علشان تخافي وتتنازلي وهما عارفين ان خلاص هايتحكم لك بنفقه

                    بس انا فعلا قلقانه وخايفه جدا من القايمه بتاعتي
                    لاننا فعلا لخبطنا فيها ومش اهتمينا نكتبها بطريقه قانونيه


                    بخصوص القايمه كمان كان مفروض فيه جلسه استكتاب لزوجي الشهر الي فات والمحامي محضرهاش وقالي مش شرط احضرها ولحد دلوقتى معرفش ايه مصير القايمه وهل استكتب ولا لاء

                    انا بس عاوزه اقول لحضرتك القايمه اتكتب ازاي يمكن تقدر تفيدني لان المحامي بتاعي مش مطمني من النحيه دي


                    انا كنت سبق وقلت لحضرتك ان خالتي كتبت المنقولات ف القايمه فقط من غير ما تكتب المبالغ
                    انا كتبت المبالغ واخر سطرين في القايمه الي هما الدهب والتفقيط

                    احنا كنا متفقين ان القايمه هاتتكتب ب 90 الف بس المنقولات سعرها زاد عن كدا ولما حصل مشاكل اوقات كتابه القايمه اخويا حلف ان انها مش هاتتكتب ب 90 الف دي المهم لانهاء الخلاف وحلفان اخويا قالوا القايمه ب91 الف ونخلص واحنا بنشتري راجل

                    القايمه بقي من جوه بتجميع المبالغ هاتبقي ب 100 الف يعني القيمه اكبر من التفقيط
                    وكان حصل تعديل ف مبلغ واحد ف القايمه
                    ثانيا مافيش تحشير ولا اي حاجه
                    القايمه فيها سطور فاضيه محاولتش اكتب فيها ولا اضيف فيها حاجه

                    وف نفس اليوم زوجي مضي عليها وبعدها بيوم الشهود مضت

                    هل يا استاذ جمال لو فيه شطب او اضافه او تعديل مبلغ او بند ف القايمه دا يخليها مزوره

                    مع العلم ان جوزي مضي عليها وهيا فيها التعديلات دي يعني مش اضافت بعد الامضاء

                    رجاء الرد استفساراتي بخصوص القايمه لان فيه ناس خوفوني فعلا منها


                    استاذ جمال عندي استفسار ضروري ربنا يخليك
                    الوقت انا المحامي بتاعي قدم طلب تطليق ف الاعتراض علي انذار الطاعه
                    ورحنا مكتب التسويه قدمنا الملف واتكلمت مع الاخصائيين اللي هناك

                    بس بالصدفه شوفت عريضه الدعوة بتاعت القضية
                    ولاقيت المحامي كاتب القواضي والمحاضر الي حررتها ضد جوزي
                    وكاتب استحاله العشرة لاستحكام الخلاف والشقاق
                    ومش كانب انه عنده مشكله ف الانجاب
                    مع انه كان قايل لي انه هايطلب عرضه علي الطب الشرعي وكدا
                    لما جيت كلمته قالي مالوش داعي اقول انه مبيخلفش
                    اصل دا سبب غير كافي للطلاق
                    والقاضي ممكن يرفض الفضية للسبب دا لو كتبناه هو احنا هانتمسك انه معاملته سبئة معاكي اما الانجاب مش هانتكلم فيه
                    لانه سبب خارج عن ارادته مالوش يد فيه
                    هل الكلام دا حقيقي
                    انا كنت متصوره ان النقطة دي هاتعزز من موقفي ف القضية
                    ايه راي حضرتك ف الكلام دا

                    Originally posted by احضان.دافئه(Haator)
                    انا فى حاجه مش فهمهما فى موضوعيك واسف للتدخلى اولا الله يكون فى عونيك بجد مشيتى مشوار طويل سؤالى هنا هو مش المفروض قانون الخلع بيديكى حقوق افضل ياعنى انتى لو مخلفه بتخدى الشقه 15 سنه حضانة اطفال فى حالتك المفروض بتاخدى القايمه بتاعتيك والدهب المقصود من كلامى موجه للاستاز جمال ايه هى قوانين الخلع وليا سؤال للاستاذه اسماء انتى مش ملحظه ان المحامى بتاعيك بيلعب بيكى بدون سخريه ازاى محامى ميقولش للقاضى انه ميقدرش ينجب عقيم بجد سبب تسجيلى فى المنتدى استاز جمال فى مواضيعه الشيقه وكمان لما شوفت موضوعيك مستفز فعلا رائى تغيرى المحامى شكرن
                    بالطبع كل الأسباب التى تؤدى الى بيان الوجه الحقيقى
                    للخلاف الأفضل أن تكون معروضة على القاضى ..
                    ومن الخطأ الإعتقاد أن العقم سبب غير أساسى في الطلاق
                    لأنه سبب أساسى ومصيرى لأن الحرمان من الإنجاب مقلق
                    ومضر وسبب رئيسى للطلاق ...........

                    عموما سيرى في دعوتك الان ما دامت أنها وصلت الى هذه المرحلة
                    واجتهدى في اثبات وقائع الضرر الواقع عليك من الزوج ........


                    وبالنسبة لرد أختنا احضان.دافئه(Haator)

                    فالخلع يوجب التنازل عن كافة الحقوق المالية للزوجة
                    وهناك بعض الزوجات تكون لها حقوق مالية ومعاملات
                    مع الزوج ولكن ليس بيدها دليل عليها ... فتضطر للجوء
                    الى الطلاق لكى تحتفظ بحقوها المالية لتعوضها عن الأمور
                    الأخرى ......


                    Originally posted by asmaa12
                    السلام عليكم

                    شكرا لردك استاذ جمال

                    حضرتك الوقت اخدت حكم نفقه 500 شهريا جاري من شهر يناير يعني تقريبا اتجمد عليه 5000 جنيه
                    بس هو لجأ دلوقت للحل الودي انه هايديني القايمه كامله والمؤخر واتنازل عن النفقه والقواضي وانا وافقت

                    عاوزة اخلص منه ومن المحامي بتاعي
                    طلع انسان استغلالي جدا عاوز ياخد المؤخر بتاعي بحجه انه باقي الاتعاب
                    ومعني كدا ان اتعابه 11 الف جنيه لو اخد المؤخر
                    سؤالي لحضرتك بما انك محامي
                    لو جا لك موكل او موكله ف قضيه وف نص القضية انتهوا بالتصالح والتنازل

                    هل وقتها حضرتك بتاخد اتعابك الي اتفقت عليها الاول وﻻ بتكتفي بنص الاتعاب
                    المحامي بتاعي بيقولي لو رفعت القضية انهارده واتنازلت بكره هاخد اتعابي كامله
                    وغير كدا مش عارفه 11 الف جنيه ليه بس
                    هيا قضية قتل ولا مخدرات
                    محتاجه راي حضرتك

                    وفيه استفسار تاني
                    الطب الشرعي ف قضية القايمة رجعها تاني المحكمه
                    وطالبين استكتابي واستكتاب كاتب القايمه
                    انا مفهمتش من المحامي ليه يستكتبوني
                    وايه نهايه الحوار دا

                    وشكرا لحضرتك
                    الأفضل التصالح حتى ولو بخسارة بسيطة ...
                    والمحامى له الحق في أخذ أتعابه كاملة حتى ولو
                    تم التصالح بين الطرفين في أى مرحلة من مراحل التقاضى ..

                    وأنا عن نفسى أتساهل في الأتعاب في حالة التصالح لانهاء
                    النزاع ......


                    واستكتتاب محرر القائمة لا توجد فيه مشكلة

                    Originally posted by asmaa12
                    السلام عليكم استاذ جمال

                    الحمد لله استلمت منقولاتي واخدت مؤخري كامل وتم الطلاق
                    بفضل الله
                    واتنازلت عن كافه القواضي الي رفعتها ضده
                    لكن المحامي تبعه خلاني امضي علي تنازل عن كافه مستحقاتي
                    مع ان الطلاق تم علي ابراء وانا قلقانه جدا من النقطه دي

                    ثانيا وقت استلام العفش عملنا محضر ف القسم بعرض المنقولات واستلامها
                    والمحامي بتاعي طلب منهم يقدموا هما الطلب بالعرض
                    قالي بعدها كدا احنا اثبتنا امام المحكمه ان المنقولات منقولاتك
                    واكيد هايغرموه بسبب تعطيل القضية
                    هل دا حقيقي

                    وحتت ان المحامي مضاني دي هل فيها قلق ولا ايه
                    تمام ولا يوجد قلق ان شاء الله .......

                    وبالتوفيق


                    تعليق
                    Working...
                    X