X

الولاية التعليمية للام

مُسْتَشارُكَ القّانُونيْ

 
  • Filter
  • Time
  • عرض
مسح الكل
مشاركات جديدة

    السلام عليكم ورحمه الله وبركاته
    اولا: احب اشكرا حضرتك استاذ :جمال على اهتمامك باستفساراتنا والرد عليها
    سؤالى الان هل من حقى وانا الان رافعة قضية نفقة لطفلين واعيش مع والدتى ان اطلب حق الولاية التعليمية عشان ادخل ابنى حضانة حكومى فى منطقتى ولا لازم اكون مطلقة
    لانقضايا الطلاق تاخد وقت
    راي حضرتك اعمل اية علشان التوزيع الجغرافى للحضانات

    اعتذر سؤال اخر التحرى المسئول عن دخل زوجى حدد لزوجى 2000 جنية شهريا
    زوجى شريك فى معرض انتريهات فى بيت العائله
    من وجهه نظرك ممكن نفقة الطفلين ونفقة الزوجة تكون فى حدود كام
    وشكرا

    وشكرا
    Similar Threads

    #2
    عليكم السلام

    يمكنك اللجوء بطلب وقتى الى رئيس المحكمة
    فى دائرتك بطلب يصرح لك فيه بالأحقية بإلحاق
    ابنك فى التعليم .......
    وقدمى ما يفيد النزاع القضائى بينك وبين زوجك ...

    وبالطبع للمطلقة الحق فى ذلك بلا مشاكل ....

    أما النفقة فهى تقديرية للمحكمة للأسف
    واسألى عن القاضى ستعرفى اتجاهه فى
    النفقة .......
    تعليق

      #3
      السلام عليكم ورحمه الله وبركاته
      الحمد لله بعد 7 اشهر صدر حكم النفقة :300 ج للزوجة 500 ج للطفلين
      المحامى شايف ان المبلغ بسيط جدا بالنسبة لتاجر انتريهات
      السؤال هل ممكن الزوج يتقدم للاستئناف والاعتراض على الحكم لتقليل المبلغ وهذا للعند طبعا
      هل المبلغ فعلا بسيط
      ما هى الاجراءات المتبقية للصرف وهل يتم صرف الشهور الماضية مرة واحدة ولا يحق للزوج التقسيط

      اسفة جدا للاطاله فانا اثق والحمد لله فى ردك وكلامك يا استاذ جمال والف شكرا وجزاك الله عنا خيرا
      تعليق

        #4
        لا توجد مشكلة في الاستئناف
        فقد تزيد النفقة فيه أيضا ...

        واذا لك يسدد النفقة المتأخرة
        فيمكنك رفع دعوى بالحبس عليه
        وحتما سيسدد المبلغ اما كاملا
        أو على قسطين أو ثلاثة فقط ...

        تعليق

          #5
          اشكركم على التوضيح وربنا يجعله فى ميزان حسناتكم
          عند اقتراب دفع النفقة بعد صدور الحكم الزوج رفع استئناف المبلغ 500 للطفلين 300 للزوجة
          خوفى ان يقل المبلغ المحامى الخاص بى هيرد برده بالاستئناف سؤالى اكيد مش هيقل المبلغ
          سؤالى الاخر الزوج راح بنفسه الى المحامى يطلب يخلص ودى علشان يوفر 300 وانا بالطبع زى معظم محافظتى مش بنكتب قائمة منقولات
          طلبت الحاجات اللى انا جايبها من عفش الشقة بالنص وطلبت مهرى حجرتين النوم المتفق عليهم فى جلسم الاتفاق وطبعا مش اخدين خوانه لم تكتب فى قسيمة الزواج
          انا اعيش مع والاتى فى بيت ايجار قديم والبيت عايز يتجدد وبيفكروا اصحابه يبعوا هل من حقى طلب مسكن حضانة لى ولا لازم شقة الزوجية
          هل من حقى تحديد المكان فى نفس منطقة عملى وحضانة ابنى ايه السهل
          الافضل الطلاق الودى ولاعن طريق المحمكة افضل مش عارفة مع العلم مش فارق معايا الطلاق عادى عايزة اربى اولادى ولا ارغب فى الزواج مطلقا
          ومعنديش مكان احافظ فيه على حاجتى من فرش ومراتب وصالون وستائر وادوات صينى ومطبخ كاملة وشقة امى قديمةوعايزة ترميم
          للعلم هواستغل موت ابويا والظروف المادية اللى احنا فيها وبيساومنى اشتغل وياخذ فلوس مرتبى
          الافضل من ناحية الطلاق وشقة الحضانة ولا اعمل زى ما بشوف عايز يطلق يطلق غيابى مثلا افيدونى بالصح وجزاكم الله خيرا واسفة جدا للاطالة والسلام عليكم
          تعليق

            #6
            الأمر يرجع اليك في جميع الأحوال
            والطلاق الودى أفضل في حالة وجود أطفال ..

            أما المهر فلك الحق في طلبه سواء مكتوب
            أو غير مكتوب .. واذا رفض فلك الحق فى
            طلب المنقولات أمام محكمة الأسرة حتى بدون
            ورقة مكتوبة ولكن بشرط أن تثبتى المهر ولو بشهادة
            الشهود ...

            وأما مسكن الحضانة فتكون في المسكن الذى تزوجتى فيه
            أو المسكن الذى منتى تقيمين فيه قبل الإنفصال أو الخلاف
            والأفضل اذا كان هو المسكن الوحيد للزوج ولا يمكن أن يفرط
            فيه أو لا يملك سواه فالأفضل أن تطلبى أجر مسكن يكون قريب
            لك تستأجريه للإقامه فيه ... ومخاطره أنه يمكن أن يتـأخر في
            سداد ما عليه من نفقة أو أجور في حالة الطلاق ...
            وساعتها ستضطرى الى رفع دعوى بالحبس ضده لإجباره على
            سداد ما عليه ...........

            وأما منقولاتك في حالة استلامها فعليك وحدك توفير مكان لحفظها
            أو ترتيب بيعها في حالة عدم وجود مكان ............. أو بيعها للزوج
            في حالة الطلاق .......

            تعليق

              #7
              السلام عليكم ورحمه الله وبركاته
              استاذ جمال حضرتك وضحتلى موضوع المهر كالاتى

              أما المهر فلك الحق في طلبه سواء مكتوب
              أو غير مكتوب .. واذا رفض فلك الحق فى
              طلب المنقولات أمام محكمة الأسرة حتى بدون
              ورقة مكتوبة ولكن بشرط أن تثبتى المهر ولو بشهادة
              الشهود ...


              مكتوب فى قسيمة الزواج المؤخر 5000 الاف والمهر مقبوض بيد وكيل الزوجة والدى الله يرحمه

              معنى انه مقبوض ان مليش حق فى حاجتى اللى انا جيبها
              انا جايبه فى الشقى الفرش كله من قطن ومراتب وسجاد وستائر وادوات مطبخ كامله وادوات سفرة وحجرة صالون مكلفة اكثر من عشرة الاف لوحدها وزوجى جايب الاجهزة الكهربية وحجرتين النوم اللى قال عنهم فى جلسة الاتفاق ان الحجرتين مهرى امام والدى وتوفى وزوج عمته وتوفى ايضا وباقى اللى حضرين كان من عندى اخوالى

              بعد التوصيخ ينفع اتقدم بطلب لمحكمة الاسرة لان الزوج رفض يديلى حقى ودى وكمان عايزنى اواقف على الابراء من حقوقى ا اسفة للاطاله ليس امامى غير حضرتك لان لم اعد اثق فى احد وجزاكم الله خيرا



              الان خالى محضر من المحكمة بانذار طاعة مكتوب فيه
              سكن اخر غير مسكن الزوجية فى مكان تانى غير بيت العائلة اللى انا سكنه فيه
              وقال ان انا خرجت بكل منقولاتى وجاجتى من السكن المزيف
              وطبعا كل دا محصلش اعمل ايه

              كنت تركت منزل الزوجية قبل كده وكنت عملت طلب تمكين من الشقة وعملت محضر من 3 سنوات ثم رجعت البيت تانى وعشت انجبت طفلة فى هذه الفترة وعلى هذا توقفت قضية النفقة وولغيت المحضر
              والمرة دى رفضت اعمل طلب تمكين لانى مش عايزة الشقة ولا عايزة اروح هناك تانى لانه امه مريضة نفسيا وشرحت قبل ذلك قصتى فى مشاركتى الاولى

              ساتقدم بالعتراض على الطاعة ما العمل فى كلمه (خرجت بكل منقولاتها )
              العمل ايه فى تغير محل مسكن الزوجية
              ولا اخفى عليك احساسى الان حقى وحق اولادى و5 سنين ذل وبهدله والله وكيلى والحمد لله
              ارجو افادتى
              تعليق

                #8
                المهر هو قائمة المنقولات التى كتبها لك الزوج عند الزواج
                وان لم يكتبها في قائمة فيمكنك طلبه واثباته بشهادة الشهود ...
                أمام محكمة الأسرة ..............

                ولا بد من الاعتراض في خلال 30 يوم من تاريخ استلام الانذار ...
                فلا تهملى هذا الأمر لخطورته .............
                واكتبى في الاعتراض كل الأسباب التى لديك ....
                تعليق

                  #9
                  لمحضر القديم اللى اتعمل قبل كده من سنتين بالضبط هل ممكن يفيد كنت كتبه فية انى خرجت من منزل الزوجية
                  1: وقت خروجى من البيت
                  2: انى خرجت بالهدوم اللى عليه ولى فى البيت 2500 جنية وخاتم وحلق خاص بى وتيونز فقط شبكتى والله
                  3: ذكرت محتويات الشقة كا الاتى : حجرة نوم كبيرة وحجرة نوم اطفال ونيشة وسفرة بى 6 كراسى وادوات مطبخ دون توضيح وصينى واجهزة عسالة اتوماتيك وثلاجة توشبا 3 باب وبوتاجاز 4 شعلة
                  4: فرش سجاد وستائر وملابس ومراتب

                  وقلت تم طردى من البيت لكثرة المشاكل ولايصرف عليا ولا على ابنه
                  المحضر لم اتابعه لانى بعدها تم الصلح ورجعت منزل الزوجية
                  المحضر كان فى يناير 2013 ورجعت لزوجى فى مارس2013 واستمرت معه عام واحد لغاية ابريل 2014 ورفعت قضية النفقة فى يوليو2014
                  المحضر دا ممكن الاستعانة بية ولا مينفعش لو طلبت تجديده
                  وهل ينفع انه يطلع من القسم ولا من سنتين اتلغى
                  الراىء القانونى لان اسئلتى دون وعى قانونى وشكرا
                  إقتباس متعدد لهذه المشاركة
                  تعليق

                    #10
                    المحضر لن ينفعك الا في الاعتراض ...

                    Originally posted by ssamar
                    السلام عليكم

                    اطلب من المحامى يرفعلى طلاق للضرر ولا عادى الاعتراض على انذار الطاعة يكفى فى الوقت الحاضر
                    بصراحة عايزة يعرف ان الزوجة من حقها ان زوجها يصرف عليها
                    الافضل اية لانى كدا كدا النهاية الطلاق الصح القانونى
                    سؤال خر
                    الاعتراض اسبابة الضرب والسب والطرد ودى حقيقة
                    وبياخد فلوس مرتبى انا موظفة حكومه ولاما اخذت اجازة اى فلوس بتجيلى من والدى يباخدها

                    عندى مشكلة غريبة شويا (النوم ) طول الليل سهران لغاية الصبح 6او7 ويجبرنى اسهر وكان بيرشنى بالمياه عشان اصحى ومنمش اذكرها لانى ما قلتهاش للمحامى اطلب اضافتها فى الاعتراض
                    ولا الضرب والفلوس كافية
                    سؤال اخر
                    المحامى قالى اخوكى او عم اوخال يكفى للشهادة دا صح هم حاضرين المشاكل كلها واعترف ادمهم مرات بالضرب وكله
                    انا عارفة انى مع محامى بس لاتاكد من صحة الخطوات وشكرا
                    سؤال اخر
                    حضرتك قولتلى ان مهرى ممكن اتقدم لمحكمة الاسر ومعى الشهود
                    وانذار الطاعة قال انى خرجت واخذت كل شىء من البيت والاعتراض انا معرفش حاجة عن الشقة اللى هو قايل عنونها والوضع ايةبالنسبة للعفش هو بالفعل فى مسكن الزوجية
                    بس فى النذار هو غير العنوان بصراحة المحامى الخاص بى بقولى عادى خلية يكتب اللى يكتبه المهم الشهود
                    والمهم هنعترض قبل يوم 30وهيعمل تسوية ثم الاعتراض
                    قولت اعمل محضر ان مماخدتش حاجة من الشقة وخرجت بهدومى فى وفاة والدى المحامى قالى لاء مينفعش بعد انذار الطاعة
                    ومتقلقيش الشهود هى اللى هتحكم فى الموضوع

                    اسفة والله لالااطالة بس عايزة اطمن للخطوات وشكر ا
                    وجزالك الله خيرا

                    نعم يمكنك ذكر كل أسباب الاعتراض ...

                    والشهود : لا ينفع شهادة الأخ ولكن العم ماشى وكذلك الحال ..

                    وقائمة المنقولات يمكنك المطالبة بها في كل الأحوال ....


                    Originally posted by ssamar
                    السلام عليكم ورحمه الله وبركاته
                    اليوم كانت جلسة انذار الطاعة وسماع الشهود
                    حضر عمى 63 سنه وخالى 40سنه الجلسة خالى كان كلامه مرتب تحدث عن الضرب والسب والطرد وانه بياخد فلوسى وانه فى جلسة صلح كان الزوج بيقول لخالى انه عايز يجيب طبنجة بنفس لفظة ويقتلنا كلنا
                    ومحامى الزوج سال خالى تعرف منين انه مبيصرفش على اولاده

                    الدليل انها رافعة قضية نفقة انت دليلك ايه انه بيصرف اصلا

                    وقاله انه شاف اثار الضرب عليا كما حدث فى الواقع والله على ما اقول شهيد
                    قال انى كنت معاه اكتر من جلسة صلح وعارف ان النهاية الطلاق لانه مينفعش زوج ولا اب
                    ساله ممكن ترجع قاله دى حاجة ترجعلها هى بس اللى شايفى لاء

                    اما عمى مش عارفة ايه اللى حصل معاه وكانه لا يعرف حياتى

                    س :امين عليها
                    ج: غير امين عليها
                    س:حضرت مشكله
                    ج: مرة جيت من القاهرة لاما ضربها وكان اخويا الله يرحمه موجود
                    س:بياخد فلوسها
                    ج: بتدهلها برضا ومش عارفة قلها ازاى لان الربع جنية بياخدوا منى بالعافية وبالضرب واى فلوس معايا بيحارب لغاية مياخدها
                    س:استولى على حاجتها
                    ج: لاء الحاجة عنده فى الشقة احنا مطلبنهاش
                    وانا طلبت هدومى ورفض
                    س: ممكن الرجوع والصلح
                    ج: رد عمى ممكن الصلح علشان العيال ودى كانت المفاجاة
                    دا هو شاف طرقته اكتلر من مرة وعارف انه لايصلح ان يكون انسان

                    رايك اية استاذ جمال كده هخسر القضية
                    مع العلم انه مجبش شهود وطلب التاخيل لحين وجود شهود
                    بحوار عمى سوف اخسر القضية وحصوصا كانت اجابته كلمات محدودة زى ما قولت لحضرتك محاولش يقول اى حاجة من على ارض الواقع
                    وكانت صدمتى

                    رايك اية استاذ جمال خسرت انذار الطاعة وستسقط نفقتى

                    ليه المحامى بتاعى كل ما اقوله ترفع قضية طلاق يقولى مش دالوقتى سبيه يدفعلك فلوس طلما انك لاترغبين فى الزواج مطلقا وهذة حقيقة
                    ايه الحكمه فى الانتظار المحامىبتاعى نفس الاتجاه السياسى لحضرتك

                    ممكن شهادة عمى تغرقنى وانا والله شوفت تعذيب فى حياتى

                    تعليق
                    Working...
                    X