X

هل لو انا رحت سلمت نفسى وخدت الأشاعه دى معايا وينفع اعمل تظلم تانى ؟

مُسْتَشارُكَ القّانُونيْ

 
  • Filter
  • Time
  • عرض
مسح الكل
مشاركات جديدة

    السلام عليكم

    لو سمحتو انا هشرح مشكلتى لأنها معقده شويه وارجو الرد ضرورى من فضلكم

    انا كنت عملت حادثه من 4 سنين وجالى قطع فى غضروف الركبه وانزلاق خفيف فى الغضروف اللى بين الفقرات القطنيه وتعب فى فقرات الرقبه والأنزلاق فى الغضروف بتاع دهرى ده حلانى مش بئدر ائف اكتر من خمس دقائق يالكتير لأنو جالى التهاب فى الأعصاب الطرفيه فرجلى بتتعب اما ائف بس للأسف ساعة اما رحت التجنيد مكنتش اعرف ان تعب اعصاب رجلى ده بسبب دهرى لأن الدكتور اللى رحتله ساعتها افتكر ان التعب ده بسبب رئبتى ومخلانيش اعمل اشعه ع الدهر اصلا خالص

    انا طبعا لمل حصلى الحادثه دى كنت فاكر انى هاخد معافاه من التجنيد بس للأسف مان ساعتها بعج الثوره علطول فخدوا كل الدفعه الى دخلت ةانا لما ادونى لايق مرضتش اروح فعملت هروب ترحيل يعنى مرحتش اصلا فى اليوم اللى كان المفروض نروح الهيكستب فيه عشان نترحل لمركز التدريب بتاعنا


    وبعدين اعدت حوالى 7 شهور طبعا حياتى وائفه فناس الولى روح سلم نفسك واعمل تظلم وانت جوه الجيش يمكن تخرج فرحت سلمت نفسى واتحولت لمحاكمه والقاضى حولنى لكومسيون طبى لكن للأسف خدت لايق برده لأن خلو بالكو برده كل ده انا معرفش ان التعب اللى فى اعصاب رجلى بسبب الغضروف اللى فى دهرى من تحت عند القطنيه فطبعا وريت لدكتور الكومسيون اشاعة رقيتى وركبتى فلئاهم مش تعبانين اوى فدانى لايق والقاضى حكم عليا ب6 شهور مع الأيقاف ورحت الوحده بتاعتى

    انا اصلا مدة تجنيدى المفروض سنه واحده بس للأسف فى الوحده مئدروش حالتى الصحيه خالص بالأضاقه لان انا حصلتلى ظروف فى البيت فعملت غياب بعد اما اعدت حوالى 6 شهور ونصف (يعنى اضيت نص المده)


    ودلوئت انا عايز ارجع اسلم نفسى لان سمعت من عقيد فى الجيش انى لو تميت 30 سنه ورحت سلمت نفسى ممكن اتسجن شويه لكن مش هرجع الوحده تانى يعنى هتسجن وأبئى خلاص كده اخد الشهاده بعد ما اخلص فترة السجن


    وواخد تانى عقيد برده الى لأ ده 35 سنه مش 30 وواحد ال لأ دول مدوها لسن اكتر من كده

    وفى ناس بتئول الكلام ده لو مرحتش خالص من الأول انما مدام رحت ودخلت الوحده بتاعتك حتى لو عندك 50 سنه لازم برده تكمل المده

    بصراحه انا مبئتش عارف اصدق مين فيهم فياريت لو حد يرد عليا ويئولى انا كده موقفى ايه بالظبط لو رحت أسلم نفسى

    بالنسبه لموضوع الغضروف بتاع دهرى انا لسه عارفه مبئاليش شهرين لأن أعصاب رجلى كانت تعبت فرحت لدكتور مخ وأعصاب كبير وهو اللى ألى اعمل اشاعه على الفقرات القطنيه واشاعه على الرقبه ولما عملتهم وودهوملو ألى ان اشاعة رقبتك مفهاش حاجه وان تعب الغضروف اللى بين الفقرات القطنيه هو اللى تاعب اعصاب رجلك وان هو ملوش علاج غير المسكنات وحقن الأعصاب يعنى تعب مزمن

    فهل لو انا رحت سلمت نفسى وخدت الأشاعه دى معايا وينفع اعمل تظلم تانى واوريهم الأشاعه دى ولا ايه

    منعلش انا طولت بسي ياريت حد يرد عليا بجواب واضح يعرفنى انا موقفى ايه بالظبط والمفروض اعمل ايه

    وياريت حد يئولى هو موضوع ال30 سنه ده بالنسبه للناس اللى مئدموش ورئهم فى الجيش خالص بس

    واللى أدم ورئوا ودخل الجيش فعلا وبعدين عمل غياب لازم يكمل المده حتى لو عندو 50 سنه ولا موضوع التلاتين سنه للكل حتى الللى دخل وبعدين عمل غياب


    ارجو الأهتمام والرد ومعلش ع الأطاله

    على فكره انا لسه عضو جديد فى المنتدى ودى أول مشاركه ليا

    Originally posted by saladino444
    اولا ربنا يفك كربك يا رب
    ثانيا ً : انا عندى ليك سؤال متعلق بالنقطه بتاعة هروب ترحيل , هو انت سمعت سلاح واستلمت كارنيه بس ما رحتش مركز التدريب . ولا يوم سماع السلاح ما رحتش اصلا
    لانى كشفت طبى واخدت لايق وبعد كدا ما كملتش يعنى لا سمعت سلاح ولا استلمت كارنيه ولا رحت مركز تدريب ولما سألت قالولى إنى كدا متخلف مش هارب
    انا اسف بس يا ريت تطمنى

    Similar Threads

    #2
    عليكم السلام

    اذا كانت دفعتك لسه موجودة الأفضل أنك تسلم نفسك
    ولك أن تتظلم وتقدم أوراقك الى اللجنة الطبية ...
    ولكن للعلم أنك لا بد وأن يحكم عليك بالجبس للهروب ...

    ولأنك لن تستطيع انهاء موقفك التجنيدى الا في سن
    36 سنة ذا لم تسلم نفسك .........
    تعليق

      #3
      Originally posted by Max Pain
      بالنسبة لنقطة انك لازم تكمل مدتك حتي لو سنك 50 سنة دي كلام غير صحيح بالمرة لانه بعد ال 30 مفيش تجنيد يا اما تتحبس لا قدر الله يا اما حيقولولك استني لما تكمل ال 36 وابقي تعالي نعملك محاكمة ترسي علي غرامة 500 جنيه .. بس انا رايي الشخصي انك لو معاك شهادات اكيدة تدعم موقفك الطبي اتوكل ع الله وروح سلم نفسك وربنا يفك كربي وكربك وكرب الجميع
      السلام عليكم اولا شكر على اهتمامك يأستاذ جمال وردك وشكرا ليك يأخ مكس بين وربنا يفك كربى وكربك وكرب الجميع امين يارب

      يأخ مكس بين بالنسبه لسؤالك انا مرحتش يوم سماع السلاح ولا استلمت الكارنيه يعنى زى حالتك بالظبط ولما رحت أسلم نفسى اللى الى انك عامل هروب ترحيل العسكرى اللى كان اعد على البوابه ممكن يكون هو مش عارف وهى اسمها تخلف زى ما انت بتئول المهم انى حالتى كانت زيك يالظبط فى الأول ومااستلمش الكارنيه ولا سمعت سلاحى الا لما رحت سلمت نفسى بعد كده ونصيحتى ليك لو انت مثلا تعبان ومش متأكد لو رحت وعملت تظلم هيئبلوه ولا لأ او مثلا كانت عندك ظروف يعنى من الأخر مكنتش متأكد
      لو رحت هتئدر تكمل مدتك ولا لأ نصيحتى ليك اوعى تروح الا بعد سن التلاتين لأن أنا ابل ما اروح اسلم نفسى كنت رحت لمحامى وألى لو مرحتش لحد 30 هتروح لما تتم 30 وهتدفع غرامه بس وهتخرج علطول ومفيش حبس ولا أى حاجه وكانت حالتى ساعتها زيك بالظبط لكن للأسف انا اتسرعت ورحت لأنى كنت فاكر اما اعمل التظلم هطلع وهما الدكاتره بتوع اللجنه مش بيعترفوا الا بالحللات الجامده اوى والظاهره يعنى مثلا واحد عندو تقوس جامد فى الدهر كده اما لو واحد تعبان بس مش باين على جسموا من بره زيي كده مش بيهتموا بيه وبياخد لايق زى ما حصل معايا وانا كان معايا جوه اللى تعبان نفسيا واللى عنده صرع وبتجيله نوبات صرع وكلهم دخلوا برده واللجنه العليا مطلعتهمش لان انا دخلت بعد القوره علطول وكانت ايام صعبه اوى مش عارف دلوئت الصراحه النظام ايه جوه لأن انا بئالى سنتين عامل غياب فنصيحتى ليك اتأنى ابل ما تاخد اى خطوه واسأل محامى الأول ابل ما تتجرك اى خطوه عشان موضوع التجنيد ده كل اما تغوط فيه بيتعئد أكتر


      يأستاذ جمال بعد اذنك انا مش فاهم يعنى ايه دفعتى لسه موجوده فياريت توضحلى النقطه دى بالنسبه للحبس انا مش مشكله عندى اخد حبس واتحملو وامرى لله بس اهم حاجه عندى انى مرجعش الوحده تانى لأن انا حالتى الصحيه متسمحش بالخدمات والطوابير خالص فلو اخدت حبس واستلمت الشهاده بعدها علطول هكون مبسوط اوى انا بس عايز اتأكد من حاجه لو سمحت لو انا استنيت لحد اما اتم 36 سنه وبعدين رحت القاضى هيحكم عليا بالحبس وبعد كده اخد شهادتى وأمشى علطول ولا هيخلينى اكمل المده برده دى اهم حاجه عايز اتأكد منها انى مش هكمل المده بعد الحبس وعايز اتأكد معلش يعنى لو هو هيحكم بالحبس بس من غير ما اكمل المده دى الزامى على القاضى يعنى اصدى هل القانون العسكرى بيلزموا انو لو واحد زى حالتى كده وراح بعد 36 سنه القانون هنا القانون بيلزم القاضى انو مينفعش يرجعوا تانى يكمل الخدمه وياخد حبس وغرامه بس وبعدين يستلم الشهاده ولا القانون مش بيلزم القاضى بكده وممكن يحكم عليه بالحبس مع ان هو يكمل المده تانى بس العرف يعنى كده ان القاضى فى الحاله دى مش بيحكم بالعوده لتكملة الخدمه بعد الحبس يعنى عايز اتأكد بس ان انا ان شاء الله لو رحت بعد 36 القانون بيلزم القاضى انى مرجعش الوحده تانى عايز اعرف القانون بيلزموا بكده ولا هو بمزاجه لأن النقطه دى بالذات هى اللى عاملالى قلق جامد

      لامؤاخذه ع الأطاله وياريت توضحلى النقطه دى يأستاذ جمال وجزاك الله خير


      Originally posted by Max Pain
      متقلقش من حتة الحبس دي يا اخ منشاوي لو استنيت لسن 36 وقدمت نفسك للمحاكمة اكيد ان شاء الله مفيهاش حبس وده عن تجربة لناس كتير اوي هم بيكتفوا بالسنين ال ضاعت من عمرك وانت معاكش شهادة الجيش و مش عارف تشتغل ولا تتحرك وعشان كده بيدوك غرامة بس من غير حبس وبتبقي اقل من غرامة التخلف (ال هي 2500 جنيه) بتبقي 500 جنيه بس ونصيحتي ليك هم فعلا مش بيلتفتوا للحالات المبهمة (ال باختصار مش بتبان ف الاشاعات وكده زي الكسور والشروخ) انا فيه واحد صاحب اخويا كان عنده القلب و ادوله لايق ومرحمهوش حتي بعد ما دخل وربنا يرحمه مات ف التدريب فلو انت معاك ال يدعم موقفك اكيد اتوكل ع الله وروح غير كده منصحكش ومتزعلش مني انت غلطان انك روحت من الاول لو كنت سالت ناس كتير كانت حتقولك استني لل 30 عشان تبقي ف السليم بالذات ف الايام دي مش بيعتقوا حد ف الارجا ولا الكشف الطبي
      Originally posted by ايمن محى
      لو معمولك هروب و هتروح بعد ال 36 غرامتك هتبقى حوالى 300-600 جنيه فقط و مفيش حبس باذن الله خالص و هتاخد شهاده اتمام الخدمه العسكريه بس ردئيه صفرا تجددها بواحده خضرا جيده بعد سنه



      تعليق
      Working...
      X